Kelas 10 IPA, IPS

 Penugasan untuk kelas 10 IPA maupun IPS dikumpul sebelum PAS Genap

Carilah Kata Hubung (konjungsi) pada Teks Dongeng di bawah ini !

kumpulkan secara japri ke Ibu

 LEMAONG JAMA KANCIL

Di zaman tumbai, semakkung jelma ngehuni dunia hinji, kaban binatang dacok cawa, ghena munih lemaong jama kancil. Suatu ghani Lemaong tungga jama Kancil, Lemaong cawa “Hai…Cil, niku mak dacok lolos, busiap-siaplah niku…Nyak haga nganik niku !” Kancil nimbal, “Sangun hikam kak siap tuan Lemaong, sinalah sebabni hikam mak tuyun seghadu hikam ngaliyak tuan, kidang…kidang…”Lemaong nyela, Kidang api Cil?”

Kancil cawa luwot “Gheji, puskam dacok nganik hikam, tuan Lemaong, kidang tulung pai sahabat puskam si ngidok di sumogh sina, di lom pelan! “Lemaong nimbal, “Hah, sahabatku? Sahabatku si ipa?” Kancil cawa luwot, “ya gegoh puskam tuan Lemaong payu tulungi ya, puskam nutuk hikam”, Kancil minjak jak mejongni langsung ngebekom pungu Lemaong, tiyan ghuwa lapah, kughuk pelan mit sumogh si dimaksud Kancil.

Tigohlah tiyan ghuwa di sumogh sina, Kancil cawa “Cubo puskam liyak jak penggigh sumogh sina, puskam dacok ngeliyak sahabat puskam”. Ghupani Lemaong sina lakkung peghnah ngaliyak bayanganni tenggalan di wai sumogh si tenang, ya laju ngejulughko huluni di penggigh sumokh cawani “Iya Cil, di lom ni ngidok Lemaong gegoh nyak..kidang ulah api ya meneng gaoh?” Kancil nimbal, “Ya, kak lamon nginum wai, jadi meneng gaoh, ki puskam mak nulungi ya, kesiyan sahabat puskam sina mati !, geluk kidah ! tulung sahabat puskam sina!”

Lemaong bingung, cawani “Ghepa caghani Cil, nyak nulungi ya?” Kancil nimbal “Payu..puskam kughuk sumogh sina!” mak mikegh tijang lagi Lemaong si kejam si ghisok nganik bangsa Kancil sina, “byur” kughuk sumugh haga nulung kancani, si ya pikegh ngidok di lom sumugh sina, tamatlah ghiwayatni..